Elkarretaratzeak
Atxiloketak salatzeko, gaur arratsaldean kontzentrazioa egingo dute Azkaineko plazan, 19.00etan.
Baionan ere beste elkarretaratze bat deitu dute, 18.30ean, Herriko Etxearen aurrean.
ATXILOKETAK
Polizia frantsesak Lorea Zezeaga arrasatearra atxilotu du gaur goizean Baionan, bere lantokian, eta Alejo Moreno gasteiztarra Azkainen.
13/01/2009 11:53:00
BAIONA-. Lorea Zezeaga bere lantokian atzeman du Polizia frantsesak gaur goizean, Baionako Oihana ikastolan.
Azken urteotan Lapurdiko hiriburuan egiten zuen lan arrasatearrak eta bizimodu normala zeraman. Bere sorterritik Mexikora ihes egin behar izan zuen, eta urte batzuen buruan Euskal Herrira itzuli zen, Baionara. Ordutik han bizi zen.
Zezeagak Euskal Iheslari Politikoen Kolektiboaren bozeramaile gisa jardun zuen denbora batean eta amnistiaren aldeko mugimenduan ere aritu zen.
Alejo Moreno, Azkainen
Alejo Moreno gasteiztarra, berriz, Azkainen atzeman dute. Goizean ogia erostera joan denean kalez jantzitako bi pertsona hurbildu zaizkio eta atxilotuta eraman dute.
Moreno "Jarrai-Haika-Segi" auzian auzipetuta dago eta azken urteotan Lapurdin bizi zen.
Elkarretaratzeak
Atxiloketak salatzeko, gaur arratsaldean kontzentrazioa egingo dute Azkaineko plazan, 19.00etan.
Baionan ere beste elkarretaratze bat deitu dute, 18.30ean, Herriko Etxearen aurrean.
Gazte batzuei ideia bat bururatu zaigu...dispertsiora hainbat eta hainbat bidai egin eta gero.
Asmoa da, urteetan zehar dispertsiora egindako bidaietan gertaturiko anekdotak,istorioak...bilduko dituen liburuxka bat osatzea.
Istorioak barregarriak,tristeak,erotikoak,beldurgarriak,edozein motatakoak izan daitezke,eta liburuxkan ere modu ezberdinetan kontatuak izango dira:prosa normalean,bertsotan,komikitan...horretarako bertsolari,marrazkilari...eta abarrekin hitzegingo dugularik. Lehenengo gauza helbide elektroniko hau lau haizeetara zabaltzea da,jendeak Euskal Herri osotik bere istoriak bidali ditzan.
Liburuxka honekin,bere istorioa kontatu ezin dutenak omendu nahi ditugu ,
hau da,dispertsio politikak erahildakoak.
Beraz eta aurreko guztia kontutan hartuz eta honekin kolaboratu nahi izanez gero,zabaldu meil hau eta...bidalieguzu zure istorioa!!
